მაგნეზიუმი და მისი ნაკლებობა

 

shy-863056_1280

დაღლილობა, გაღიზიანება, მიდრეკილება კრუნჩხვებისადმი …თუ გაწუხებთ, შეიძლება მაგნეზიუმი გაკლიათ, ისე როგორც ყოველ 4 -დან 1 ქალს.  დღეს, ამის გამოსწორება ძალიან ადვილად შეიძლება.

კითხვებს პასუხობს ჟან-პოლ კურტი, ნუტრითერაპევტი, ნუტრიციონისტთა ასოციაციის პრეზიდენტი (საფრანგეთი).

რას წარმოადგენს მაგნეზიუმი?

მაგნეზიუმი არის მინერალური მარილი, რომელიც მონაწილეობს ორგანიზმში 300-ზე მეტ ქიმიურ რეაქციაში. ჩვენი ორგანიზმი დაახლოებით 20-30 გ შეიცავს, უდიდესი ნაწილი ძვლებსა და კბილებში მდებარეობს. მაგნეზიუმი მნიშვნელოვან როლს თამაშობს გულის რითმის რეგულაციაში, ნერვული იმპულსების გადაცემასა და კუნთების მოდუნებაში.

მაგნეზიუმი ენერგიას გვმატებს?

მაგნეზიუმი გვეხმარება, დღის განმავლობაში, საკვების სახით მიღებული კალორიების ენერგიად გარდაქმნაში, რომელიც მთელი დღის განმავლობაში გვჭირდება. ანუ მაგნეზიუმი გვეხმარება გავუმკლავდეთ დაღლილობას, ასევე სტრესსა და დეპრესიას. დაღლილობას ძალიან ადვილად შეუძლია შფოთვის მოტანა. როცა ფორმაში ვართ, პრობლემაც რომ შეგვექმნას, შეგვწევს უნარი გავუმკლავდეთ. ენერგია თუ გვაკლია უფრო მგრძნობიარენი ვხდებით და ჩვენი  გამძლეობაც კითხვის ნიშნის ქვეშ დგება.

რა არის მაგნეზიუმის დღიური ნორმა?

ძალიან განსხვავებულია ერთი ადამიანიდან მეორეში. ახალშობილისთვის 70 მგ-ია, ბავშვისთვის 250 მგ, ქალისთვის 350 მგ და კაცისთვის 420 მგ. ორსულებისა და მეძუძური ქალის დღიური ნორმა კიდევ უფრო მაღალია, ასევე მოხუცებსა და სპორტსმენებში, რამდენადაც მაგნეზიუმი ოფლთან ერთად გამოიყოფა. გარდა ამისა, გენეტიკური მარკერი – HLA-B35, რომელიც პოპულაციის 18%-ში გვხვდება, დაკავშირებულია უჯრედებში მაგნეზიუმის სუსტად შეკავებასთან.

ჩვენი ორგანიზმის მოთხოვნა მაგნეზიუმზე, არის თუ არა სათანადოდ დაკმაყოფილებული?

როგორც ბოლო კვლევებმა აჩვენა ჩვენს მიერ მიღებული მაგნეზიუმის საშუალო რაოდენობა ძალიან შორს არის რეკომენდირებულისგან და დღეში 240 მგ არ სცდება. მიზეზი? – საკვები და ზოგიერთი მედიკამენტი, მაგალითად შარდმდენები, ჰორმონული პრეპარატები. ხშირად განმეორებადი კვების რეჟიმი, სტრესი, რომელიც შარდდენას აძლიერებს ან ალკოჰოლის ჭარბი მოხმარება შეიძლება იყოს მაგნეზიუმის ქრონკული დეფიციტის მიზეზი.

sad-girl-1382940_1280

როგორ შეიძლება საკვებით შევავსოთ მაგნეზიუმის ნაკლებობა?

დალიეთ მინერალური წყლები, მაგალითად Hépar, Quézac, Badoit, Contrex, ისინი აცხადებენ რომ შეიცავენ 80 მგ-ზე მეტ მაგნეზიუმს ლიტრზე. მათი გემო არ მოგწონთ? მოამზადეთ საჭმელი ამ წყლების გამოყენებით: ცხელი სასმელები, სუპები, მასში მოხარშეთ მარცვლეული კულტურები. ეს უკანასკნელნი თავად არიან მაგნეზიუმით მდიდრები, მაგალითად სოიო, მშრალი, მწვანე ბოსტნეული, ასევე თხილი, კაკალი, ნუში…  ზღვის პროდუქტები.

…და შოკოლადში რომ შედის ის მაგნეზიუმი?

სამწუხაროდ, შოკოლადში შემავალი მაგნეზიუმი ცუდად შეიწოვება ორგანიზმის მიერ. მიუხედავად ამისა, კაკაო მაინც არ კარგავს ანტიდეპრესიული საკვების ტიტულს, რამდენადაც სეროტონინის დონეს მაღლა სწევს (ბედნიერების ჰორმონი). ასე რომ მირთვით შოკოლადი და თავს ნუ დაიდანაშაულებთ: რამდენიმე კვადრატ შავ შოკოლადს არანაირი კავშირი არ აქვს წონის მატებასთან.

როგორ გავიგოთ გვჭირდება თუ არა მაგნეზიუმის დამატებით მიღება?

როგორც წესი სისხლში მაგნეზიუმის განსაზღვრას დაზღვევა არ ანაზღაურებს. თუმცა ეს გამოკვლევა  იმაზე მეტ ინფორმაციას არ გვაძლევს, ვიდრე ნახეთქები პირის კუთხეებსა და ქუთუთოებზე. თუ ეს ნიშნები უცბად გაგიჩნდათ, კარგი ინდიკატორია მაგნეზიუმის ნაკლებობის გამოსავლენად. გარდა ამისა, დაღლილობა, დაძაბულობა, კუნთების ტკივილი, შფოთვა, საჭმლის მონელების დარღვევა, გულის აჩქარება და რა თქმა უნდა კრუნჩხვები – განსაკუთრებით ღამე, მაგნეზიუმის ნაკლებობაზე მიუთითებს.

საჭიროა ექიმთან კონსულტაცია?

უმჯობესია, რათა ამ სიმპტომების სხვა გამომწვევი გამოირიცხოს. მაგნეზიუმის საყიდლად რეცეპტი არ გჭირდებათ, ვერც ექიმი გეტყვით ზუსტად რა დოზით გჭირდებათ მაგნეზიუმი ნორმის შესავსებად. თუმცა კარგი გამოკითხვით შეიძლება თქვენი სიმპტომების სიმწვავის გამოვლენა და აქედან გამომდინარე მაგნეზიუმის ნაკლებობის მნიშვნელობაც.

რომელ მაგნეზიუმს მივანიჭოთ უპირატესობა?

არსებობს მაგნეზიუმის სამი დიდი ოჯახი. ბოლო დროს ჩატარებული სამეცნიერო კვლევების თანახმად ყველაზე საინტერესონი არიან გლიცეროფოსფატები. სხვა მარილებისგან (ქლორიდები…) განსხვავებით არ იწვევენ ფაღარათს და კარგად შეიწოვებიან ორგანიზმის მიერ. განსაკუთრებით ტაურინთან (ამინომჟავა) და B6 ვიტამინთან ერთად. ეფექტურობის გასაზრდელად მიიღეთ ანტიოქსიდანტები და ცხიმოვანი მჟავები – ომეგა-3. ზღვის მაგნეზიუმი, რომელიც ბოლო წლები ძალიან მოდაში შემოვიდა, ნაკლებად საინტერესოა, რადგან ნატრიუმს შეიცავს და როგორც ყველა პირველი თაობის მაგნეზუმმა ფაღარათი შეიძლება გამოიწვიოს.

რა დოზით მივიღოთ მაგნეზიუმი?

როდესაც ნაკლებობა ძალიან გამოხატულია, უმჯობესია დიდი დოზები მივიღოთ: 600-900 მგ დღეში, განაწილებული დღეში სამჯერ, რათა ბალანსი აღვადგინოთ. ეს „დამრტყმელი“ პერიოდი შეიძლება გაგრძელდეს რამდენიმე კვირიდან რამდენიმე თვემდე. თქვენ თავად შეატყობთ სიმპტომების შესუსტებას და თანდათან შეგიძლიათ დოზაც შეამციროთ. ამის შემდეგ, უსმინეთ თქვენს ორგანიზმს და საჭიროების მიხედვით თავად გადაწყვიტეთ როდის დალიოთ. მაგნეზიუმის ნაკლებობა სტრესის გაჩენის პროპორციულია, ან ეს შეიძლება იყოს დაღლილობა, დაძაბულობა და ა.შ.

წყარო: Top Santé, N°259, Avril – 2012, p. 88-89

 

Publicités

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s