ზამთარი კარსაა მომდგარი, ამიტომ მინდა შემოგთავაზოთ მცენარეული ჩაის რეცეპტები, რომელიც გაციებას, სისუსტეს, უძილობას, სტრესს… თავიდან აგვაცილებს.

ანტისტრესული მცენარეული ჩაი

ინგრედიენტები:

• 30 გ. ტყის ჩიტისთვალას ყვავილი (Galium odoratum, სინ. Asperula odorata L.)
• 30 გ. კუნელის ყვავილი (Crataegus monogyna)
• 30 გ. თავშავას ყვავილი (Origanum majorana)
• 30 გ. მწარე ფორთოხლის ფოთლები (Citrus aurantium var amara, Citrus aurantium L.)
• 30 გ. ბარამბოს ფოთლები (Melissa officinalis)

მომზადების წესი:

ორი ს.კ. მცენარეების ნარევი ჩაყარეთ ნახევარ ლიტრ მდუღარე წყალში.
აცალეთ 15 წუთი და შემდეგ გაფილტრეთ.
დალიეთ ერთი ფინჯანი დღეში ორ-სამჯერ. ეს ნაყენი ცივიც შეგიძლიათ მიირთვათ. მოერიდეთ გაცხელებას, რადგან მისი სასარგებლო ნივთიერებები ადვილად აქროლადია.

მცენარეული ჩაი მშვიდი ძილისთვის

• 30 გ. პასიფლორას, იგივე „ვნების ყვავილის“ ჰაეროვანი ნაწილები (Passiflora)
• 10 გ. რომაული გვირილის ყვავილები
• 30 გ. ცაცხვის ყვავილი
• 1 წვეთი ლავანდის ეთერზეთი
• 1 ჩ.კ. თაფლი

მომზადების წესი:

2 ჩ.კ. მცენარეების ნარევი ჩაყარეთ ერთ ფინჯან მდუღარე წყალში, აცალეთ 5 წუთი და შემდეგ გაფილტრეთ.

დაუმატეთ თაფლი, (თუ შესაძლებელია ლავანდის), რომელშიც ლავანდის ეთერზეთს წინასწარ ჩააწვეთებთ.
მიირთვით ერთი ფინჯანი ძილის წინ.

დაბერების საწინააღმდეგო მცენარეული ჩაი

ჩაი ანტიოქსიდანტი

ინგრედიენტები:

• 20 გ. ბექქონდარას ფოთლები (Thymus vulgaris)
• 20 გ. სალბის ფოთლები (Salvia officinalis)
• 30 გ. ურცის ფოთლები (Thymus serpyllum)
• 30 გ. როზმარინის ყვავილები (Rosmarinus officinalis)
• 50 გ. შავი მოცხარის ფოთლები (Ribes nigrum)

მომზადების წესი:

2 ჩ.კ. მცენარეების ნარევი ჩაყარეთ ერთ ფინჯან ადუღებამდე მისულ წყალში.

აცალეთ 10 წუთი.
მიირთვით დილაობით.

დეტოქსიკაციური მცენარეული ჩაი

ეს ნაყენი წვეულების მეორე დღეს დაგეხმარებათ სწრაფად ჩადგეთ ფორმაში.

ინგრედიენტები:

• ქონდარი (ნედლი ან ხმელი)
• როზმარინი (ნედლი ან ხმელი)
• 1 წვეთი ლიმონის ეთერზეთი
• 1 წვეთი როზმარინის ეთერზეთი
• 1 ჩ.კ. თაფლი

მომზადების წესი:

სამი თითით, ცოტ-ცოტ აიღეთ ყველა მცენარე და ჩაყარეთ ადუღებამდე მისულ ერთ ფინჯან წყალში. აცალეთ 5 წუთი და გაფილტრეთ.
თაფლს დაუმატეთ ეთერზეთები.
მიირთვით დღეში ორი ფინჯანი, სამი დღის განმავლობაში.

ტონუსის მომცემი მცენარეული ჩაი

ეს ნაყენი მდიდარია ენერგიის მომცემი C ვიტამინითა და ეთერზეთებით.

ინგრედიენტები:

• 3 ცალი ასკილი
• 4 ცალი ხეტუხტის ყვავილის ქვედა მწვანე ფურცლები, (ხეყვავილა, ხევარდი, Hibiscus)
• 1 წვეთი ლიმონის ეთერზეთი
• 1 წვეთი ჯანჯაფილის ეთერზეთი
• 1 ჩ.კ. თაფლი

მომზადების წესი:

ასკილი და ხეტუხტის ყვავილის მწვანე ფურცლები ჩავყაროთ ერთ ფინჯან ადუღებულ წყალში და ვაცადოთ 5 წუთი.

გაფილტრეთ და დაუმატეთ თაფლში გახსნილი ეთერზეთები.
მიირთვით დღეში ორი ფინჯანი, 4 დღის განმავლობაში.

კუჭნაწლავის დასამშვიდებელი მცენარეული ჩაი

ეს ჩაი მოგიხსნით მუცელში სიმძიმის შეგრძნებასა და შებერილობას.

ინგრედიენტები:

• 10 გ. ბარამბოს ფოთლები
• 5 გ. პიტნა
• 10 გ. მწვანე ანისი (თესლი)
• 20 გ. სურნელოვანი ვერბენას ფოთლები
• 20 გ. როზმარინის ფოთლები

მომზადების წესი:

1 ს.კ. მცენარეების ნარევი ჩაყარეთ 1/4 ლიტრ ადუღებულ წყალში.
აცალეთ 5 წუთი გაიჟღინთოს, გაფილტრეთ და შემდეგ 10 წუთი დაისვენოს.
მიირთვით დღეში ორი ფინჯანი ჭამის შემდეგ, ცხელი და თაფლით დამტკბარი.

წყარო: Top Santé, Décembre 2012, p. 82-84